Diaqnostik histeroskopiya

Diaqnostik histeroskopiya aşağıdakı hallarda tövsiyə olunur:

• Qadın sonsuzluğu

• Təkrarlanan düşüklər

• Uşaqlığın xoşxassəli və ya bədxassəli şişləri

• Submukoz miomalar

• Uşaqlıqdaxili poliplər

• Uşaqlıq borularının keçiriciliyinin pozulması

• Uşaqlığın anadangəlmə qüsurları

• Uşaqlıqdaxili bitişmələr

• Döl yumurtası və cift qalıqlarına şübhə

• Uşaqlıqdaxili vasitələrin natamam xaric edilməsi

• Sidik-cinsiyyət fistulları

Histeroskop cihazı uşaqlıq boşluğuna daxil edilir və boşluq xüsusi məhlul ilə doldurulur. Həkim görüntünü birbaşa ekranda izləyərək uşaqlıq daxilindəki hər hansı bir patologiyanı dəqiq qiymətləndirir. Eyni zamanda, uşaqlığın boru uclarına da baxmaq mümkündür ki, pasiyentin vəziyyəti maksimal dərəcədə obyektiv qiymətləndirilsin.

Müayinədən sonra tövsiyələr

Diaqnostik histeroskopiyadan sonra 2-3 gün ərzində aşağıdakıları etmək qadağandır:

• Tamponlardan istifadə etmək

• Cinsi əlaqədə olmaq

• Uşaqlıq yolunu duşla yumaq

• Vanna qəbul etmək

• Hovuzda çimmək

• Buxar vannasından və saunadan istifadə etmək

Əgər prosedur zamanı polip çıxarılmışsa və ya uşaqlıq divarının diaqnostik qaşınması aparılmışsa, 2 ay müddətində hamiləlikdən qorunmaq tövsiyə olunur. Diaqnostik histeroskopiyadan sonra menstruasiya bir qədər gecikə bilər. Lakin, biopsiya və ya qaşınma aparılmışsa, aybaşı 1 ay və ya daha uzun müddət sonra baş verə bilər.